Германскиот пазар на труд слабо се опоравува, се очекува невработеноста да се зголеми во текот на летото

Германскиот пазар на труд бележи невообичаено слабо пролетно закрепнување оваа година, а се очекува невработеноста да се зголеми во текот на летото, според извештај објавен денес од Германската федерална агенција за труд (BA).

Во месеците кога бројот на вработени обично значително се зголемува, трендот оваа година остана под очекувањата.

Во мај, бројот на невработени лица се намали за само 12.000, на вкупно 2,91 милиони, што е сепак за 197.000 повеќе невработени отколку во истиот месец минатата година.

Стапката на невработеност во Германија за мај е 6,2 проценти, 0,1 процент помалку од минатиот месец, објави Tagesschau.