Новак Ѓоковиќ веројатно ќе преземе сопственост на тениски и други спортски клубови во Грција. Проектот е вреден 20 милиони евра, што вклучува повеќе од 20 тениски терени, како и терени за падел и пикбол. Рекордерот по освоени Гренд слем титули се сретна со грчкиот премиер Киријакос Мицотакис во понеделникот.
Инвестицијата е дел од голем урбан проект во Атина на местото на поранешниот аеродром „Хеленико“, кој е најголем од ваков вид во Европа. Предвидува изградба на нов кварт кој ќе вклучува станбени згради, хотели, казино, марина, комерцијални и деловни области, како и голем метрополитенски парк. Целта е да се создаде одржлив и паметен урбан центар кој ќе придонесе за економијата и ќе го подобри животниот стандард во Атина.
И други водечки имиња во светскиот тенис, исто така, покажаа интерес за комплексот, вклучувајќи ги Патрик Муратоглу и семејството Сакари.
„Сепак, според најновите информации, вагата решително се навалува во корист на Ѓоковиќ. Тој веќе трајно се пресели во Грција и одржува контакти и на владино ниво и со претставници на спортскиот пазар“, пишуваат грчките медиуми.