Прашањето на кого навистина му припаѓа одредена адреса на Gmail и каде оди мејлот испратен до неа е вечен проблем за корисниците на таа платформа на Google.
Со околу 2,5 милијарди активни кориснички сметки, не треба да изненадува што ова прашање за приватност се појавува повторно и повторно на официјалните форуми за поддршка на Gmail.
Иако прашањето за примање е-пораки наменети за друг корисник на Gmail е загрижувачко, тоа е релативно лесно да се објасни. Додуша, протекоа информации според кои адресирањето на е-пошта во Gmail би можело да стане малку покомплицирано. Еве што се знае за тоа.
Нова функција за приватност?
Gmail можеби добива нова функција, слична на „Hide My Email“ на Apple, која ви овозможува автоматски да ги рандомизирате адресите за е-пошта за еднократна употреба за да ја задржите вашата лична адреса приватна кога се регистрирате за услуги преку Интернет.
Индиции за постоењето на Shielded Email, како што моментално се нарекува функцијата, беа пронајдени во компјутерскиот код на новото издание на Google Play Services.
Не, ја немате истата адреса на е-пошта како друг корисник на Gmail
Поддршката за корисници на Google добива релативно чести прашања во кои се тврди дека некој ја има истата адреса на е-пошта како лицето што пушта барање, па затоа може да ги чита нивните пораки.
Google вели дека тоа не е можно. Ако некој се обиде да создаде сметка на Gmail со, на пример, верзијата со точки на вашето корисничко име, ќе добие порака дека корисничкото име е веќе преземено.
Меѓутоа, ако некој ја користи верзијата со точки на вашата адреса на Gmail кога пополнува онлајн формулар, се регистрира за билтен и слично, ќе почнете да добивате пошта што не сте ја побарале.
Ако вашата е-пошта е [email protected], тогаш ќе добивате е-пораки испратени на [email protected], [email protected] и [email protected].
Работите тргнуваат наопаку или случајно, едноставно типфелер или намерно кога некој се обидува да биде паметен за следење на дојдовните е-пошта поврзани со наведените адреси, но не успева.
Подобрувања на Sending As
Google Messages наскоро ќе почне да ги известува корисниците за името и профилот под кој ја испраќаат својата порака. Sending As ќе се појави директно над полето за текст во RCS разговорите. Известувањето за Sending As се појавува веднаш до сликата на профилот на сметката на Google и името на сметката, но исчезнува откако ќе се испрати пораката.
Споделувањето профил ви овозможува да го споделувате профилот на вашата сметка на Google (само име и слика) со луѓето на кои им испраќате пораки.
Ако некој профил погрешно се сподели со спамер или измамник, разговорот може да се пријави како спам и можете да го блокирате корисникот, што веднаш ги отстранува информациите за профилот од разговорот, пишува „Форбс“.