Го застрелал поранешниот зет за да ја одбрани ќерка си

Полициски службеници од СВР Битола го денеска лишиле од слобода Т.Ѓ. (62) кој околу 05.55 часот утрово во претсобјето од неговата куќа со пиштол пукал и го погодил С.С. (44) кој починал на местото.

Според информациите на МВР, станува збор за поранешен зет кој со мачета (голем нож) насила му упаднал во семејната куќа и ѝ се заканувал на поранешната сопруга, ќерка на осомничениот.

44-годишникот починал во претсобјето од куќата на осомничениот, веднаш откако е застрелан. Полициска екипа  и јавен обвинител извршија увид, а осомничениот е лишен од слобода.

По наредба на јавен обвинтел телото на убиениот е предадено на обдукција.