Разгалениот братучед на познатиот Хари Потер, дебелиот Дадли Дарсли се појави во дури пет дела од познатата франшиза за волшебникот. Неговиот лик го толкуваше актерот Хари Мелинг, а за оваа улога доби бројни позитивни критики.
Хари е посветен на глумата уште од дете, а улогата ја доби откако во неговото училиште се одржал кастинг.
Овој повик во животот му беше предодреден, така да се каже, затоа што неговиот дедо, Патрик Торнтон, исто така е познат актер. Имено, тој се прослави со улогата во британската телевизија „Доктор Ху“.
Иако го паметиме како пополно момче, Хари оттогаш го промени својот физички изглед, а денес ретко кој го препознава. Како неверојатно фит 34-годишник, тој продолжи да глуми и имаше забележителни улоги во „The Lost City of Z“, „The Ballad of Buster Scruggs“ и светски познатата серија „The Queen’s Gambit“.
Интересно е што почнал да слабее за време на снимањето на филмовите за Хари Потер, а на себе морал да носи вештачка маса за да ја одржи автентичноста на улогата.
Мелинг ретко зборува за својот приватен живот, а нема ни социјални мрежи. Меѓутоа, светските медиуми објавија дека минатата година бил виден како се држи за рака со шпанско-британската актерка Патси Феран, но овие шпекулации никогаш не биле потврдени.