Голем пакет акции од Тиквеш ќе се продава на берзанска аукција

Македонската берза ја информира јавноста дека на 20 август 2025 година (среда) ќе се одржи јавна берзанска аукција за продажба на значителен пакет акции на компанијата ВВ Тиквеш АД Кавадарци, пишува Бизнис инфо.

Аукцијата се организира на барање на членката Еурохаус АД Скопје, согласно Анекс 4 од Правилата за тргување на Македонска берза.

На продажба ќе бидат понудени вкупно 10.646 обични акции издадени од ВВ Тиквеш АД Кавадарци, што претставува 3,94% од основната главнина на ова друштво. Почетната продажна цена е утврдена на 10.596 денари по акција, а аукцијата ќе се одвива по моделот „се или ништо“.