Богатата историја на Ford Fiesta заврши во јули 2023 година со производство на последниот модел од последната генерација, по што беше укинат еден од најуспешните Ford модели во историјата. Но сега се чини дека тоа не беше „збогум“ туку само „довидување“ бидејќи Fiesta би можело да се врати наскоро.
Како што објави Autocar, американската компанија планира неколку помали модели од 2026 година, а сите се базирани на нова електрична платформа.
Развојот на новата архитектура му е доверена на Алан Кларк, поранешен инженер на Tesla. Платформата е наменета за производство на компактни и градски модели кои би биле позиционирани под електричните Explorer и Capri.
Според Марин Ѓаја, главен оперативен директор на електричниот оддел на Ford „Model e“, првиот автомобил базиран на новата платформа ќе се појави на пазарот помеѓу крајот на 2026 и почетокот на 2027 година, прво дебитирајќи во Соединетите држави пред да се продава во Европа.
Ова всушност би требало да биде наследник на Puma, додека останатите производи во моментов може само да се погодат.
Сепак, Ѓаја е убеден дека електричните автомобили „со текот на времето ќе стануваат помали“, поради што сигурно може да се замисли вистинско семејство на мали електрични Ford и враќање на Fiesta.
Ресурсите што Ford ги посветува на оваа платформа се навистина значајни. Според неодамнешниот извештај на американската веб-страница TechCrunch, тимот што работи на архитектурата се состои од околу 300 луѓе. Ова ги вклучува инженерите кои се преселиле во Ford од Tesla, Rivian и Apple, па дури и експерти за аеродинамика од Формула 1.
Што се однесува до погонската група, Ѓаја објаснува дека новата архитектура најверојатно ќе користи евтина технологија на батерии од литиум-железо-фосфат (LFP), која е се почеста кај електричните возила. Покрај тоа, тој нагласи дека облиците на овие идни модели на Ford ќе бидат „неконвенционални и „различни“ во нивните сегменти.