Речиси секој осми човек на возраст меѓу 18 и 24 години го напушта училиштето без квалификација или предвреме го завршува своето образование во Германија. Само Шпанија и Романија имаат повисоки стапки на напуштање од Германија!
Причина: Повеќето млади луѓе кои го напуштаат училиштето потекнуваат од мигрантски семејства. Се откажуваат поради ниските плати што ги добиваат како практиканти и бараат привремени работни места со (повисоки) минимални плати.
Дури 55 отсто од оние кои го напуштиле училиштето имаат работа, 30 отсто се невработени и бараат работа, а 15 отсто воопшто не сакаат да работат, пишува (Welt am Sonntag) Велт ем Зонтаг.
Големи празнини во образованието поради недостигот на наставници и затворањето на училиштата
Друг проблем на германското образование е тоа што има недостиг од наставници во сите видови училишта. Дополнително, сè уште се чувствуваат последиците од долгото затворање на училиштата за време на пандемијата на коронавирус – празнините што произлегуваат се далеку од пополнување.
– Голем е и бројот на деца од мигрантско потекло до кои не можеме навреме да дојдеме за да им обезбедиме доволно познавање на германскиот јазик. И последно, но не и најмалку важно, образовниот федерализам исто така многу забавува, тврди Ања Браун од научната редакција на SWR.