Голема акција во Турција: Уапсени 56 лица од листата на Интерпол

Во координирана акција во 11 градови, турската полиција уапси 56 лица по кои трага Интерпол за тешки кривични дела.

„Уапсените имаат криминални досиеја, вклучувајќи членство во криминална организација, трговија со дрога, перење пари, напад, фалсификување, грабеж, измама, трговија со луѓе, убиство, проституција, кражба, шверц, поткуп, корупција и фалсификување“, наведе министерот за внатрешни работи на Турција, Али Јерликаја.

Според него, Интерпол распишал потерници во 18 земји за овие лица кои биле уапсени во координирана акција на турската полиција со кодно име „Операција Кејџ-28“.