Голема акција низ цела Турција: Уапсени 126 осомничени во врска со Исламската држава

Турските власти денеска уапсија 126 лица осомничени за поврзаност со Исламската држава во операциите спроведени низ целата земја.

Турската национална телевизија ТРТ Хабер објави дека апсењата се извршени во 58 провинции, со цел да се фатат лица за кои постои сомневање дека се поврзани со Исламската држава и да се финансира оваа милитантна група.

Властите сè уште трагаат по 22 осомничени.

Во рациите се пронајдени оружје, документи, потврди за трансакции со пари, како и големи количини пари.

Исламска држава изврши бројни напади низ цела Турција, вклучително и напад врз ноќен клуб во Истанбул на 1 јануари 2017 година, кога животот го загубија 39 лица.