20
Министерството за внатрешни работи и Основното јавно обвинителство за гонење на организиран криминал и корупција спроведуваат акција на повеќе локации.
Од ОЈО ГОКК потврдуваат дека акцијата е во тек, а повеќе детали најавуваат за утрешниот ден.
-По наредба на обвинител од ОЈО ГОКК во моментов се вршат претреси на повеќе локации. Има повеќе лица кои се лишени од слобода. Станува збор за криминална група што се занимава со продажба на дрога, велат од ОЈО ГОКК.
Некои медиуми пренесуваа дека специјалци апсат луѓе од криминалната група на Раде Трајковски-Штекли. Штекли беше уапсен попладнево во близина на хотел кај Гевгелија поради сомнеж за трговија на дрога. Тој бил фатен во обид за бегство.