Големи поплави во југозападна Франција, предупредување за Париз

Југозападниот дел на Франција беше зафатен од обилни поплави, по обилните дождови во претходните неколку дена.

Неколку други региони, вклучително и источниот дел на Париз, се предупредени за можни поплави, пред студениот бран што пристигнува подоцна оваа недела.

Најтешка е ситуацијата во градот Сент, 115 километри северно од Бордо, каде што локалната река достигнала рекорден водостој од 6,2 метри, објави АП.

Во некои улици, водата е до половината, а во повеќето делови на градот до колена.

Стотици луѓе беа евакуирани, а водата го прекина снабдувањето со електрична енергија.

Локалните служби поставуваат бетонски блокови за локалното население да може да излезе од поплавените куќи.