Google ќе формира инженерска поделба во Нов Зеланд за да работи на нови решенија за развој на вештачка интелигенција и заштита на доверливи информации. Ова го објави „The New Zealand Herald“, повикувајќи се на регионалниот директор на технолошката компанија – Каролин Рејнсфорд.
Се очекува новата подружница на Google не само да стане главна база за постојниот тим инженери од САД, туку и ќе отвори работни места за Новозеланѓаните. Според Рејнсфорд, неколку инженери на корпорацијата веќе се преселиле од Маунтин Вју, Калифорнија, во Оукленд и Нов Зеланд. „Минимално потребниот тим“ веќе започнал со работа а компанијата очекува дека наскоро ќе го зголеми својот персонал со локални вработени.
Google работи конструктивно со владините агенции и администрацијата на корпорацијата е уверена дека ќе се формира целосен тим инженери до крајот на годината, рече таа.
Локална подружница на Google изјави дека компанијата вложила многу во создавањето на „специјална врска за Google Cloud во Нов Зеланд“. Ова ќе им овозможи на корисниците да се приклучат на новите тешки центри за податоци на Google во Сиднеј и Мелбурн.
„Специјалната врска во Оукленд ќе го интегрира Нов Зеланд во глобалната инфраструктура на Google за да ја зголеми брзината на обработка на податоци и да ја обезбеди нивната целосна безбедност“, рече Урс Хелцле, кој раководи со инженерскиот оддел на Нов Зеланд.
Инженерскиот оддел на Google во моментов вработува 50 лица, но скоро сите се вклучени или во управување или во техничка поддршка. Во соседна Австралија, подружницата на компанијата вработува повеќе од 1.800 луѓе, бидејќи е домаќин на развивачи на Google Maps и Google Photos.