Горила и лавови заразени со корона во зоолошката градина во Прага

Горила и два лава од зоолошката градина во Прага се позитивни на коронавирус, објави директорот на таа зоолошка градина.

„Денес, откриено е дека лавовите Јамван и Суши, како и горилата Ричард се позитивни на коронавирус. Нивните симптоми се благи, кашлаат, Ричард е уморен и го изгуби апетитот“, напиша директорот на зоолошката градина, Мирослав Бобек, на својот Фејсбук профил.

Директорот додаде дека персоналот најверојатно ги пренел на животните и дека другите животни ќе бидат тестирани.

Чешка се соочи со ново зголемување на бројот на случаи на коронавирус, а стапката на инфекција по глава на жител е меѓу највисоките во светот.

Во јануари, коронавирусот беше пронајден и во група горили во сафари парк во Сан Диего.