Мотивирачки говор на пејачката од минатогодишната церемонија на врачување на наградите “Греми” беше претворен во дел од рекламната кампања на овогодинешното шоу. 
Во 2016 година 27-годишната пејачка ја зачуди публиката, кога при добивањето на наградата за “Најдобар албум” одржа страстен говор. Со неа таа ги повика младите жени да не се откажуваат од својата страст и никогаш да не го губат фокусот, додека ги исполнуваат своите соништа.
Во новото промотивно видео, објавено денеска од Националната академија за снимање (која ги организира “Греми” -та), зборовите на Свифт се цитирани од млади жени со различна професионална реализација и потекнуваат од различни сфери на животот, вклучувајќи танчерки, музичари и спортисти.
“Сакам да им кажам на сите млади жени во светот: секогаш ќе има луѓе на вашиот пат, кои ќе се обидат да ви го одземат успехот, да си ги присвојат заслугите за постигнувањата или дури и угледот. Но, ако се фокусирате на работата и не дозволувате на слични индивидуи да ви отстапат од патот, тогаш еден ден, кога ќе стигнете до посакуваната цел, ќе можете да се огледувате и да сфатите дека вие самите и луѓето кои ве сакаат, сте вистинските виновници да стигнете таму. И тоа ќе биде најпрекрасното чувство на светот. ”
Видеото, именувано “Ти беше”, е дел од овогодинешната кампања на “Греми” церемонијата со мото “Верувај во музиката”. Таа ќе се одржи на 17 февруари.