Маратонски говори на политичката партија „Левица“ ги револтираше пратениците на албанската опозиција кои вчера побараа да зборува поконкретно за амандманите за измените на Законот за државјанство.
-На тензичната расправа, дел од пратениците на Алијанса и Алтернатива за Албанците, се заканија дека ќе биде прекинато излагањето на пратеникот Апасиев. На заканите, пратеникот Апасиев возврати дека тој не чита поезија, за разлика од некои кои читаат и дека тој зборува на правни теми поврзани со државјанство.Во триесет години парламентарна демократија, ниту една влада не се осмелила да одземе збор на комисиска расправа, соопшти „Левица“.
Претходно и опозициската ВМРО-ДПМНЕ преку процедурални забелешки се изјасни дека амандманите се лоши, а дел и противуставни. Предлагачите Алијанса и Алтернатива велат прашањето да не се политизира бидејќи се работи за помош на неколку илјади граѓани.
Седницата беше одложена на неодредено време. Коалицијата Алијанса за Албанците-Алтернатива поднесе вкупно 10 амандмани, со кои се менува предлог-законот за државјанство.