Сергеј Орлов, заменик-градоначалникот на Мариупол, ја опиша состојбата во опколениот пристанишен град додека украинските власти се обидуваат да им помогнат на оние што се уште се внатре и да ги евакуираат граѓаните кои побегнале во околните области, пишува CNN.
„Градот е целосно уништен. Градот е како руина, вознемирени сме, не поради инфраструктурата, туку поради луѓето. Не знаеме како да им помогнеме на нашите граѓани кои страдаат во градот“, рекол тој.
„Русија не дозволува решавање на ниту едно хуманитарно прашање, пренесување на каква било хуманитарна помош и евакуација на нашите граѓани на неколку дена“, додал Орлов.
Функционреот објасни како стојат работите во напорите за евакуација и најновата мисија за евакуација на граѓаните на Мариупол кои се наоѓаат во околните области.
„Што се однесува до оние кои се уште се во Мариупол, еден од најитните проблеми е исхраната, бидејќи хуманитарните групи, вклучително и Црвениот крст, се мачат да стигнат до градот со храна и залихи“, информира Орлов.
„Не можам ни со зборови да опишам како изгледа животот во Мариупол. Граѓаните не можат да јадат. Вообичаено е да имаат три оброци, но три оброци неделно. Значи јадеме во понеделник, вторник и петок. Значи, не можеме ни да јадеме многу“, вели тој.
Тој проценува дека повеќе од 100.000 граѓани се уште се во градот, сите се кријат со надеж дека ќе останат безбедни. Орлов информира дека граѓаните живеат „како глувци“.
„Сите тие живеат под земја во засолништа, во засолништа за бомби во некои простории подолу, само за да можат да преживеат, да не бидат убиени од воздушни напади, од проектили, од гранатирање“, вознемирено изјавил Орлов.
„Луѓето ја делат храната меѓу себе, така што типичната храна за еден ден е чаша вода со едно или две колачи, една чаша супа попладне и една чаша вода и еден колач навечер“.
Заменик-градоначалникот вели дека извештаите дека Русите насилно киднапирале жители, вклучително и деца, се точни.