140
Градовите во Украина, вклучително и главниот град Киев, денеска постепено добиваат струја, еден ден откако руските ракетни напади ги предизвикаа најголемите прекини на струја во Киев во последните девет месеци војна.
Регионалните власти објавија дека 25 отсто од домаќинствата во Киев сè уште се без струја, а во некои области на градот е обновено водоснабдувањето, а подоцна денеска ќе почне да функционира и во други области, пренесе „Ројтерс“.
Во големо подобрување во споредба со средата, кога снема струја во целиот регион на Киев, денеска во Киев работи јавниот превоз, а автобусите ги заменија трамваите за да заштедат електрична енергија, се вели во соопштението на Киевската регионална воена управа.