Најнезаборавните моменти од шоуто на овогодинешните награди “Греми” се многу. На прво место најголемата ноќ за музичката индустрија започна и заврши со страшен тресок.
За време на 58-то шоу пееја поп ѕвезди како Тејлор Свифт, Кендрик Ламар, Џастин Бибер и Адел.
Блондинката Тејлор го отвори шоуто со изведба на хитот “Out of the Woods”, по што прибра неколку награди-грамофончиња втора година по ред.
Во меѓувреме Адел беше забележана да си ја потпевнува песната на Свифт, додека седи во првиот ред во непосредна близина на Ед Шииран.
Селена Гомез и Тејлор Свифт пак повторно го демонстрираа своето супер неколебливо пријателство, додека Селена ја придружуваше Тејлор на наградите наместо дечкото на русокосата ѕвезда – диџејот Калвин Харис, кој не се појави на предметната вечер.
Видете кои се најважните акценти од овогодинешните награди “Греми” во галеријата.
Лејди Гага оддаде почит на легендарниот веќе покоен пејач, Дејвид Боуви за време на шоуто. Боуви почина во јануари на возраст од 69 години, откако ја загуби битката со ракот.
Стиви Вондер ја пееше акапела “That’s the Way of the World” во чест на Морис Вајт од Earth, Wind & Fire, кој почина неодамна на 74 години. Стиви ја натера публиката да се смее, и се пошегува дека не може да ја прочита картичката со претставувањето на песна на годината.
Меган Tрејнер одржа емоционален говор низ солзи додека ја примаше наградата Греми за најдобар нов изведувач. Членовите на The Eagles оддадоа почит на гитаристот Глен Фреј, кој почина во јануари на возраст од 67 години.
Џастин Бибер исто се распеа на сцената.Гвен Стефани имаше премиера на своето ново музичко видео за песната “Make Me Like You” во живо за време на рекламниот блок на наградите “Греми”. Сем Хант и Кери Андервуд покажаа на сцената вистинска хемија за време на својот дует “Heartbeat”Џастин Бибер дојде на шоуто во друштво на својот брат, кој беше негова мала копија.
Холивудските вампири (The Hollywood Vampires) го направија своето деби на наградите Греми. Џони Деп, заедно со неговите колеги Алис Купер, Даф Макаган и Џо Пери, оддадоа почит на фронтменот на Motorhead Леми Килмистер. Килмистер почина на 70-годишна возраст од агресивна форма на рак, исто така, неодамна.Бела Адид, сестрата на Џиџи, се појави под рака со раперот The Weeknd, со што двајцата го направија своето деби како двојка. Тој, пак, беше номиниран за две Греми награди.Лајонел Ричи ги обедини силите на сцената со помладите колеги Деми Ловато, Џон Леџенд, Меган Трејне, Лук Брајан и сите пееја хитови на Лајонел.Адел имаше технички проблеми на сцената, а според публиката е пеела фалш … Според очевидецот Џастин Бибер, кој пееше пред неа, се испуштил микрофонот на пијаното и тоа е причината таа да звучи така.Пит Бул и Софија Вергара го затворија шоуто. Ѕвездата од серијата “Модерно семејство” беше облечена во златно и танцуваше секси.
Фото: gettyimages.com