Ричард Гренел на својот профил на Твитер изјавил дека меѓународната заедница работела премногу напорно за решавањето на косовското прашање да биде оставено на Албин Курти.
Гренел посочил дека народот на Косово заслужува слобода и просперитет.
„Меѓународната заедница работеше премногу напорно за Албин Курти да го расформира Косово. Народот на Косово заслужува слобода и просперитет. Зошто лидерот би сакал Косово да исчезне?“, напишал Гренел.
The international community has worked too hard for Kosovo to have Albin Kurti dissolve it.
The people of Kosovo deserve freedom and prosperity. Why would a leader want to dissolve Kosovo? https://t.co/GG0jbzXIqS
— Richard Grenell (@RichardGrenell) March 4, 2021
Да потсетиме, Гренел на Твитер во вторникот напиша дека Курти секогаш бил антиамериканец и смета дека американскиот претседател Џо Бајден треба да го спречи.
„Новиот антиамерикански лидер на Косово, Албин Курти, беше против американската политика предводена од Бил Клинтон, Џорџ В. Буш, Барак Обама и Доналд Трамп. Тој отсекогаш бил антиамериканец“, истакна Гренел.