Големо внимание привлече преписката помеѓу напаѓачот на Реал Мадрид, Карим Бензема и одговорот на неговиот поранешен колега од репрезентацијата на Франција – Оливие Жиру.
– Не ја споредувате Формула 1 со картинг. И јас сум пристоен … Знам дека сум Формула 1, изјави фудбалерот на Реал Мадрид за споредбата со напаѓачот на Челси.
Жиру одговори и го „боцна“ таму каде што најмногу боли.
– Некои луѓе велат дека не можат да се споредуваат Формула 1 и картинг, но само ќе кажам дека сум светски шампион, што не е лошо за некој што е за картинг.“
Напаѓачот на Реал веќе пет години не игра за Франција затоа што беше исфрлен по скандалот со уцените на неговиот соиграч Матју Валбуена со секс снимка. Жиру одигра 91 натпревар и постигна 39 голови за Франција, а Бензема има 18 настапи и 12 гола помалку.
Сега, еден колега и пријател го објави неговото мислење за соочувањето на француските напаѓачи. Антоан Гризман, најдобриот играч и стрелец на патот до француската титула на последниот Мундијал, ја коментираше расправијата на следниов начин: „Го сакам Оливие, тој е одличен играч кој ги заслужува сите пофалби. Тој е еден од клучните играчи на нашиот триумф на СП. Тоа што ни ја донесе најважната титула во светот е доволно да се каже каков е тој“.