Пејачката Мајли Сајрус изјави дека е на безбедно по принудното слетување откако гром удрил во приватниот авион со кој патувала за Јужна Америка на музички фестивал.
„До моите фанови и сите загрижени луѓе кои слушнаа што се случи на мојот лет. Нашиот авион беше погоден од големо неочекувано невреме и го погоди гром“, напиша Сајрус на Инстаграм, споделувајќи видео од невремето од прозорецот на авионот и слика од очигледно оштетеното крило на авионот.
„Мојот тим, бендот, пријателите и семејството кои патуваа со мене се безбедни по принудното слетување“, додаде таа.
„За жал, не можевме да летаме за Парагвај“, додаде Сајрус.
Пејачката вчера требаше да биде дел од музичкиот фестивал „Асунчионико“.
Комерцијалните авиони се удирани од гром приближно еднаш или двапати годишно, соопшти Националната управа за океани и атмосфера.
View this post on Instagram
„Тие се дизајнирани и изградени така што имаат проводни патеки низ авионот“, наведува агенцијата.
Ударот на гром со децении не предизвика пад на комерцијалниот авион, но помалите и приватни авиони, за кои „не се бара да бидат дизајнирани за заштита од гром“, би се урнале поради ударот од гром, наведува агенцијата.
Веднаш не било јасно во каков авион биле Сајрус и нејзиниот екипаж.