Пациенти задоволни од лекувањето со методот на хемофилтрација од ковид-19 во Клиничката болница „Жан Митрев“ денеска потпишаа писмо со поддршка на д-р Жан Митрев и за начинот на лекување за време на нивното лекување во болницата.
Тие велат дека биле во животна опасност, но третманот во клиниката „Жан Митрев“ и хемофилтрацијата им помогнале повторно да застанат на нозе.
Меѓу пациентите некои се жалеа дека не биле добро третирани по државните клиники и биле принудени да одат во приватна клиника, конкретно во случајов во клиниката „Жан Митрев“. Тие велат доколку имаат повторно здравствен проблем, повторно би се лекувале на оваа клиника.
Друг пациент од Струмица, вели дека не жали за дадените пари, тврдејќи дека двете хемофилтрации кои ги примил во клиниката „Жан Митрев“ му го спасиле животот.
„Ако има нешто, институциите нека си ја бркаат работата, но хемофилтрацијата мислам дека не е забранета. И никој никого не терал на сила. Беа известени моите и јас како пациент дали сакам или не сакам да бидам третиран со овој метод”, вели овој пациент.
