142
Иран погуби најмалку 582 лица минатата година, што е за 75 отсто повеќе од претходната година, според групите за човекови права, и тие проценуваат дека зголемувањето на бројот на смртни казни ги одразува напорите на Техеран да „влее страв“ меѓу демонстрантите против режимот.
Тоа беше најголем број егзекуции во Иран од 2015 година, според извештајот објавен во четвртокот од Иранската група за човекови права (IHR) со седиште во Норвешка и групата со седиште во Франција „Заедно против смртната казна“ (ECPM).
Повеќето од смртните казни, најмалку 544 од нив, се извршени врз лица обвинети за убиства и злосторства поврзани со дрога.