Гувернерот на американската држава Колорадо, Жаред Полис издаде соопштение по масакрот во продавница во градот Болдер.
Да потсетиме, вооружен напаѓач уби 10 лица во продавница во Болдер, а меѓу убиените е и 51-годишниот полицаец Ерик Тали, кој прв реагираше на извештајот за пукањето.
„Нашите соседи нема да се вратат дома“
Во изјавата, гувернерот Полис ја истакна храброста на убиениот полицаец и изрази сочувство до семејствата на другите девет жртви на масакрот.
“Семејствата на жртвите, нашите драги сограѓани, наши соседи, денес ја слушнаа ужасната вест дека нивните најблиски, кои се разбудиле и отишле на работа или отишле во продавницата да купат јајца, нема да се вратат дома. И додека нашата заедница со нетрпение чекаат повеќе информации за жртвите, во надеж дека не станува збор за наши пријатели, колеги или соседи, но истовремено знаејќи дека во нашата тесно поврзана заедница тоа ќе бидат тие, дури и ако не ги познаваме лично, ние жалиме за жртвите на ова бесмислено убиство, но и нашето чувство на безбедност “, објави Полис.
“Денес го видовме лицето на злото. Тагувам заедно со нашата заедница и сите луѓе на Колорадо”, заклучи гувернерот.
Очевидци велат дека убиецот бил вооружен со пушка
Шефот на полицијата Марис Херолд изјави дека убиецот е во притвор, но сè уште нема информации за неговиот идентитет, видот на оружјето или можниот мотив.
Очевидци изјавија дека убиецот бил вооружен со пушка. Извор од полицијата за Си-Ен-Ен изјави дека станува збор за полуавтоматска пушка во стилот АР-15, користена во неколку масовни пукања низ САД.
Видеа од сцената емитувани од локалните телевизиски станици покажаа како брадестиот човек во боксерки е врзан со лисици од продавница и фрлен во брза помош. Според тие снимки, се чини дека осомничениот имал крвава нога.