Хакери ја нападнаа официјалната веб-страница на Руската федерална служба за извршување затворски санкции (FSIZS), чии членови синоќа го уапсија лидерот на опозицијата, Алексеј Навални, на московскиот аеродром Шереметјево, јави „Танјуг“.
„Веб-страницата веќе два часа е под постојани хакерски напади. Експертите работат на подигнување на страницата“, ја пренесува ТАС С изјавата на извор близок до FSIZS, кој вели дека сè уште не е познато од каде се извршени нападите на официјалната страница на оваа услуга.
Службата за односи со јавност на FSIZS претходно објави дека опозиционерот Навални бил задржан на пасошка контрола веднаш по вечерашното враќање од Берлин на аеродромот во Москва Шереметјево.
Според очевидци, Навални бил приведен кога на полицијата ѝ го покажал пасошот за време на контролата пред официјалното влегување во Русија, а на неговата сопруга Јулија, неговиот портпарол и адвокат им било дозволено да влезат во Русија.