ТикТок вели дека се справува со сајбер-напад што ги таргетираше брендовите и познатите личности, вклучувајќи ги Парис Хилтон и Си-Ен-Ен. Сепак, апликацијата за споделување видеа за Би-Би-Си изјави дека е компромитиран „многу ограничен“ број на профили.
Оттаму додаваат дека работат со корисниците за да се врати пристапот до нивните профили.
ТикТок, кој е во сопственост на кинеската компанија Бајт Денс, не сподели дополнителни детали за сајбер-нападите, како на пример како бил извршен.
Портпаролот на ТикТок рече дека профилот на Хилтон бил цел, но таа не била компромитирана.
Реалити ТВ ѕвездата, која има повеќе од 10 милиони следбеници на ТикТок, е активен корисник на платформата.
Сепак, сметката на информативната телевизија Си-Ен-Ен е компромитирана.
„Ние тесно соработуваме со Си-Ен-Ен за да го вратиме пристапот до сметката и да имплементираме засилени безбедносни мерки за да ја заштитиме нивната сметка напред. Ние сме посветени на одржување на интегритетот на платформата и ќе продолжиме да следиме за секоја понатамошна неавтентична активност“, рече Тик Ток.
Веста доаѓа откако ТикТок се соочува со забрана во САД, освен ако не биде продаден од кинеската матична компанија.
ТикТок има милиони корисници ширум светот, но се соочи со прашања во врска со безбедноста на податоците на корисниците и неговите врски со владата во Пекинг.