Шведската модна компанија H&M планира да затвори повеќе од една четвртина од своите продавници во Шпанија и да отпушти дури 588 работници, соопштија локални претставници на синдикатот.
Синдикатите CCOO и UGT во заедничко соопштение наведуваат дека компанијата ќе отпушти работници од неутврдени организациски, производствени и економски причини.
Според годишниот извештај на H&M, компанијата има 91 продавница и вработува речиси четири илјади луѓе во Шпанија, од кои 28 продавници ќе бидат затворени.
Од H&M наведуваат дека приоритет ќе имаат продавниците на главни локации и дека „постојано ќе се трудат да останат конкурентни“.
Овој потег се совпаѓа со одлуките на другите големи модни трговци на мало ширум светот, кои затворија помали продавници во последниве години додека ги проширија водечките филијали кои привлекуваат поголема фреквентност и можат да се развијат како логистички центри за е-трговија.
Според извори од синдикатот, H&M во Шпанија има проблеми и со отсуства меѓу работниците, кои се жалат на преоптоварување со работа.
Во ноември 2022 година, H&M објави план за укинување на 1500 работни места ширум светот со цел да ги намали трошоците, а во Шпанија веќе во 2021 година го намали својот платен список за 400 луѓе.