Холандија повторно ја отвори својата амбасада во Украина

Холандската влада денеска соопшти дека минатата сабота повторно ја отворила својата амбасада во украинскиот град Лавов со мал број вработени.

„Со враќањето во Лавов во западна Украина, и со помал број вработени, амбасадата ќе добие добра слика за безбедносната ситуација таму“, соопшти холандското Министерство за надворешни работи, пренесува Ројтерс.

Се наведува и дека доколку ситуацијата се оцени како доволно безбедна, амбасадата ќе се врати во главниот град на Украина Киев.