Околу 162.000 смртни случаи се потврдени во Холандија од почетокот на оваа година до минатата недела, што е за 13.000 повеќе од просекот, а такво зголемување на стапката на смртност не е забележано од Втората светска војна, објави Националното биро за статистика.
За време на првиот бран на пандемијата, помеѓу почетокот на март и почетокот на мај, починаа 9.000 луѓе повеќе од просекот, а од почетокот на вториот бран од средината на септември, над 6.000 повеќе.
Бројот на смртни случаи во другите недели е помал од вообичаеното, според Националното биро за статистика.
Според најновите податоци, 770.400 случаи на коронавирус се потврдени во Холандија од почетокот на пандемијата, а повеќе од 11.000 пациенти починале како резултат на болеста предизвикана од неа.
Вистинскиот број на заразени и мртви е веројатно поголем од официјалниот, поради недостаток на тестови во текот на првите месеци од пандемијата, кога биле тестирани само пациенти кои биле сериозно болни.