Русија ги засилува своите хибридни напади со цел да го поткопа холандското општество и сојузниците на земјата, а руски хакери веќе ги нападнаа нејзините јавни служби, соопшти во вторникот холандската воена разузнавачка агенција „MIVD“.
„Гледаме дека руската закана за Европа се зголемува, вклучително и по потенцијалниот крај на војната против Украина“, напиша директорот на „MIVD“ Питер Рисинк во годишниот извештај на агенцијата.
„Конфликтот во сивата зона меѓу војната и мирот стана реалност. Државните актери се повеќе се обидуваат да го поткопаат нашето општество со хибридни напади. Русија, особено, е сè поподготвена да ги преземе овие ризици“, се наведува во документот.
„MIVD“ тврди дека минатата година за прв пат открила напад на руски хакери врз оперативниот систем на еден од холандските јавни служби. Агенцијата исто така пишува дека открила руска сајбер операција против критична инфраструктура, потенцијално подготвувајќи се за саботажа.
Групата на Волц на Сигнал до Јемен не е единствената има најмалку 20 други
Хибридните закани се однесуваат на различни видови агресија, од физичка саботажа до кампањи за дезинформација.
„MIVD“ ги опишува овие напади како комбинација на традиционална шпионажа со сајбер напади и други обиди да се влијае врз општеството. Агенцијата ги повтори своите предупредувања дека руските ентитети ја мапираат инфраструктурата во Северното Море за саботажни цели, насочени кон интернет каблите и снабдувањето со вода и енергија.
Во ноември, шефот на британското разузнавање ја обвини Москва дека води „непромислена кампања“ на саботажа во Европа, од сајбер напади до подметнување пожари.
Русија негира дека стои зад ваквите инциденти, нарекувајќи ги обвинувањата неосновани и недокажани.