Поранешната холивудска глумица, Блејк Лајвли, веќе неколку месеци минува низ тежок период предизвикан од обвинувањата што ги упати кон својот колега, Џастин Балдони. Кон крајот на 2024 година, Лајвли го обвини Балдони за сексуално вознемирување за време на снимањето на филмот „Приказната завршува со нас“. Таа тврдеше дека актерот организирал негативна медиумска кампања против неа, што предизвикало големо емоционално страдање за неа и нејзиното семејство.
Балдони го одби обвинувањето и одговори со контратужба, барајќи 400 милиони долари од Лајвли и нејзиниот сопруг, Рајан Рејнолдс. Тој ги обвини за клевета, изнуда и обид за преземање контрола врз проектот, тврдејќи дека неговите пораки биле селективно изменети и извадени од контекст.
Како дел од својот судски напор, Балдони бара од судот да му бидат доставени сите пораки и е-пошта што се поврзани со него и филмот, што уште повеќе ја оптоварува Лајвли. Актерката и нејзиниот сопруг се обидуваат да ја вратат јавната симпатија, а Лајвли, гостувајќи кај Сет Мејерс во Thursday Late Night, искрено сподели дека овој период е еден од најтешките во нејзиниот живот.
„Она што можам да го кажам без да навлегувам во премногу детали е дека оваа година беше полна со највисоки и најниски моменти во мојот живот“, изјави Лајвли. Таа исто така нагласи дека гледа многу жени кои се плашат да проговорат и дека стравот што го чувствуваат е намерно создаден за да ги задржи тивки. Сепак, актерката додаде дека се чувствува среќна што, како жена, имала можност да го користи својот глас и да учествува во борбата за побезбеден свет за жените и девојките.
Иако нејзиното појавување пред публиката привлекло големо внимание, многумина не веруваат во нејзините емотивни испади, особено откако колегите на снимањето ѝ го свртеа грбот. Се чини дека Лајвли и Балдони сè уште не се на истата страна, а судскиот конфликт продолжува да ја оптоварува јавноста и да ги полни медиумските простори.