Хондурас: Уапсена лидерка на нарко картел, во пресметката загина нејзиниот син

Властите на Хондурас ја уапсија лидерката на нарко картел Херлинда Монтес Бобадиља, откако САД побараа екстрадиција на неа и нејзините синови.

Полицијата ја уапсила Монтес Бобадиља по „интензивна пресметка“ во која бил убиен нејзиниот син Тито Монтес, се наведува на профилот на Твитер на комесарот на националната полиција Густаво Санчез Веласкез, пренесува „Ројтерс“.

Соединетите Држави ја обвинија Монтес Бобадиља дека е водач на моќната организација за трговија со дрога на Монтес.