Хорор во Германија: Автомобил удри во деца, неколку повредени

Автомобил се заби во група деца кои посетуваат основно училиште во Хирт, во близина на Келн. Едно дете е тешко повредено, а друго полесно, потврди портпаролот на полицијата во округот Рајна-Ерфт.

„Претпоставуваме дека станува збор за несреќа“, соопшти полицијата, пренесува Билд.

Според полицијата, нема индикации дека станува збор за намерен чин. Несреќата се случила околу 12:30 часот. Областа околу улицата Фрехенер е широко оградена и затворена. На местото на настанот е и хеликоптер на брзата помош.

Портпаролот на полицијата засега не можеше да даде детали за точниот тек на несреќата.

Исто така, не е познато дали има други повредени.