Хрватска: 15 лица се повредени во судир на повеќе возила кај Омиш

Вкупно 15 лица се повредени во сообраќајна несреќа што се случила во раните утрински часови во саботата во местото Дуги Рат кај Омиш, при судир на две патнички возила и едно комбе, пренесe Хина.

Сплитско-далматинската полиција со ново соопштение ги дополни првичните информации за бројот на повредени и извести дека во сообраќајната несреќа учествувале две патнички возила и едно комбе.

Вкупно 15 лица се однесени на лекарска помош, а во моментов немаме официјални информации за тежината на нивните повреди“, велат од полицијата.

На местото на настанот, предводена од заменикот на општинското државно правобранителство, со присуство на судски вештак и асистенција на полиција, бил извршен увид, а патот нешто пред 16 часот бил пуштен за сообраќај.