“Хуриет”: Рамазан Бајрам во услови на Турција – Масакр на патиштата, над 50 загинати и 273-ца повредени

Оваа година првите два дена од Рамазан Бајрами во Турција патиштата во земјата повторно се претворија во вистинско море од крв, објавува електронското издание на весникот “Хуриет”. Од петокот вечер до неделата вечер се случија  61 тешки сообраќајни несреќи со над 50  загинати и 273-ца повредени. Најмногу жртви има во сообраќајна несреќа во провинцијата Караман – цело семејство; четири лица, вклучувајќи едно мало дете. Во друга несреќа во провинцијата Хатај загинатите се исто така  четворица, а во несреќа во провинцијата Адиаман жртвите се тројца, објавува  весникот.