Ентони С. Фаучи, директор на Националниот институт за алергии и заразни болести, ја отфрли теоријата на заговор за вакцината против коронавирус, споделена на социјалната мрежа Твитер од американската пејачка Ники Минаж.
Фаучи беше одлучен дека нема докази дека вакцината предизвикува неплодност, откако хип-поп sвездата твитна за неподготвеноста на нејзин братучед да се вакцинира, што предизвика контроверзии на социјалните мрежи.
Минаж твитна во понеделникот вечерта дека нејзиниот братучед во Тринидад, од каде што е пејачката, „нема да ја добие вакцината бидејќи неговиот пријател ја добил и тој станал импотентен. Тестисите му биле отечени“.
„Нема докази дека тоа се случило, ниту пак има причина да се верува дека може да се случи. Медицински експерти веќе долго време велат дека тврдењата за неплодност поврзани со вакцинацијата се неосновани“, изјави Фаучи за Си -Ен -Ен вчера.
Сагата за Минаж се прошири во Обединетото Кралство, принудувајќи го премиерот Борис Џонсон да каже дека „не е толку запознаен со постапките на Ники Минаж како што веројатно треба да биде“ и ги повика луѓето да се вакцинираат против коронавирусот, истакнувајќи ја тековната борба против дезинформациите за коронавирусот.
Британскиот шеф на медицинската служба, Крис Вити, го нарече тврдењето на пејачката „мит“ и рече дека оние што шират невистини за вакцините против коронавирус „треба да се срамат“.
Како одговор на Џонсон, Минаж подоцна објави аудио порака на социјалните мрежи, нагласувајќи дека таа „всушност е Британка“ и му понуди да му испрати портфолио од нејзините дела.