Случајот на американскиот рапер Шон Комбс ја откри потребата на Америка за „вистинско новинарство“ и напори за решавање на нејзините внатрешни прашања, а не на глобалните, изјавила портпаролката на Министерството за надворешни работи на Русија, Марија Захарова, во интервју за РТ.
Пи Дид (54), трикратен добитник на Греми и истакнат хип-хоп продуцент, е обвинет за организиран криминал и трговија со луѓе и се соочува со повеќе од 100 дополнителни обвиненија за сексуално недолично однесување, вклучително и оние против малолетници, кои датираат од раните 1990-ти.
„Ние не зборуваме само за недолично однесување или помали прекршоци како поседување нелегално оружје или употреба на дрога. Не зборуваме ни за лицемерие, како општо газење на идеалите што се преправале дека ги промовираат. Не, тие се комбинирани во систем кој е изграден со децении, принудувајќи ги луѓето да се вклучат во нелегални активности преку насилство“, рекла Захарова.
Таа го опишала наводниот синџир на трговија со луѓе што раперот го изградил и го споредила со „мафијашка структура која обединува луѓе од шоу-бизнисот, но и од политиката и владата“.
„Меѓутоа, наместо да си го исчистат дворот, американските власти долго време ги буткаа овие инциденти под тепих“, смета Захарова.
„Наместо да се борат против новинарството и новинарите, тие треба да се фрлат пред нозете на новинарите, молејќи ги да го направат својот дел и да ги истакнат овие работи во светлината на откривањето на вистината – и покрај стравот што го проникнува американското општество“, додала таа.
Захарова посочила дека русофобијата и обвинувањето на Русија за „сето зло“ станале „клучна алатка за прикривање на вистинските проблеми со кои американското општество се соочува со децении“.
„Постои многу удобен систем за прикривање на таквите злосторства кој е воспоставен во Америка. Наместо да обрнат внимание на овие прашања, наместо едвај кодираните, но очигледни пораки кои многу изведувачи се обидуваа да ги пренесат стравувајќи за своите животи, американските власти се зафатени со потрагата по продолжената рака на Кремљ, руските шпиони, новичок и што ли уште не“, порачала Захарова.
Портпаролката на руската дипломатија го повикала Вашингтон за момент да ги остави „глобалните прашања настрана“ и „сите ресурси да ги насочи првенствено кон себе“.
„Аферата на П. Диди мора да биде истражена и разрешена со транспарентни правни средства и треба да се спречи да стане „уште еден случај на Џефри Епштајн“, нагласила таа.