Израелската војска објави дека идентификувала 126 заложници кои ги држел Хамас од ненадејниот напад на палестинската исламска екстремистичка организација на израелска територија на 7-ми октомври.
Израелските власти првично процениле дека биле заробени околу 150 Израелци и странци.
Официјални лица изјавија дека бројот е намален откако телата биле пронајдени во јужен Израел по нападот на Хамас.
Портпаролот на израелската војска Ричард Хехт денеска изјави дека бројот е 126 заложници; „потврдено“.
Војската, исто така, соопштила дека пронајдени се останки на некои заложници за време на копнените упади во Појасот Газа, но не кажаа колку.
Хамас, кој владее со малата палестинска територија, тврди дека 22 заложници биле убиени во израелските напади.
Се заканија дека заложниците ќе бидат убиени доколку однапред не бидат објавени израелските напади врз цивилни цели.
Портпаролот Хехт соопшти дека 286 израелски војници биле убиени од почетокот на нападот.
Според најновите податоци, во напад на командоси на Хамас во Израел се убиени повеќе од 1.300 луѓе.
Повеќе од 2.300 луѓе во Газа биле убиени во израелска одмазда, соопштија локалните власти.