ИДФ изврши напади врз повеќе од 450 цели на Хамас во Појасот Газа

Израелската војска (ИДФ) објави дека изминатиот ден извршила напади врз повеќе од 450 цели на палестинската милитантна група Хамас во Појасот Газа, додека копнените операции продолжуваат.

Меѓу погодените локации се воени бази, набљудувачки пунктови и магацини со оружје, пишува The Times of Israel.

Со помош на неколку беспилотни летала на израелските воздухопловни сили беа извршени удари врз оперативците на Хамас во областа Кан Јунис.

Серијата напади траела околу два часа, а според ИДФ биле убиени „многубројни“ оперативци на Хамас.