Очекувањата за цените на германските компании паднаа во март на најниско ниво во последните три години, а инфлацијата треба да падне под целта на Европската централна банка во наредните месеци, објави денеска институтот Ifo.
„Инфлацијата сè уште е во опаѓање и треба да падне под 2% ова лето. Од германска перспектива, не постои причина ЕЦБ да не ги намали каматните стапки наскоро“, рече шефот за прогнози на Ifo, Тимо Волмершаузер во изјава.
Индексот на очекувањата на цените на Институтот падна од 15,0 поени во февруари на 14,3 поени во март, што е најниска вредност од март 2021 година.
Германската инфлација се намали на 2,7% во февруари, што е далеку од двоцифрените максимални вредности постигнати за време на енергетската криза предизвикана од руската инвазија на Украина.
Се поголем број креатори на политиката на ЕЦБ го поддржуваат намалувањето на каматните стапки, при што состанокот во јуни изгледа како најверојатен момент за дејствување, иако состанокот е исто така закажан за овој месец.