Србија доби нов селектор во името на Игор Кокошков.
Медиумите пренесуваат дека помошниот тренер на Сакраменто Кингс ќе ја предводи Србија во квалификациите за Олимписките игри 2020 година.
Но Кокошков е внимателен.
„Некој таа вест неодговорно ја пуштил во медиумите. Ништо не е официјално. Чекам дозвола од Кингс. Повеќе ќе знам до крајот на неделата“, изјави Кокошков за Мондо.рс.
Нешто слично пред неколку дена изјави и претседателот на кошаркарскиот сојуз на Србија, Предраг Даниловиќ, повикувајќи на внимателност, но истакнувајќи дека Србија до крајот на неделата ќе добие селектор.
Сепак новинарите и поранешните играчи и љубители на кошарката сметаат дека тоа е само формалност и се воодушевени од изборот на Кокошков.
Кокошков беше помошен тренер во репрезентацијата на Србија и Црна Гора (ОИ 2004 и ЕП 2005 година) додека селектор беше Жељко Обрадовиќ.
Беше селектор на Грузија и Словенија со која освои злато на ЕП 2017 година.