Следната година, ќе се појават првите аудио производи од партнерството на IKEA со Sonos, но пред тоа шведската компанија е подготвена да ни ги понуди првите Bluetooth звучници. Тие се два модели и се дел од серијата Eneby, која вклучува неколку корисни додатоци. Помалиот уред е со димензии 20х20 см и има излезна моќност од 20 вати, а димензиите на поголемиот се 30х30 см, што му овозможува да се вклопи токму во ормарите од серијата KALLAX. Неговата вкупна моќност е 42 вати.
Звучниците се достапни во црна и сива боја, а освен преку Bluetooth, звук може да се пренесе кон нив и преку стандарден 3,5 милиметарски џек. Уредите може да се монтираат на ѕид или на посебна галантерија, а ако сакате поиндустриски изглед, секогаш можете да ја отстраните безбедносната решетка. Помалиот звучник исто така може да се комбинира со посебна батерија која може автономно да работи до 10 часа.
Мултифункционално копче се додава и на двата уреди, кое служи за вклучување, засилување и промена на рамнотежата на високи и ниски фреквенции. Нивната цена, барем во германија, е 50 и 89 евра, соодветно.
Цените на уредите се конкурентни и сега треба да разбереме каков звук испорачуваат.
