Илјадници Авгаистанци биле пренесени во Велика Британија во тајна операција што морало да се изврши откако неименуван британски функционер ненамерно ги направил достапни нивните податоци, јави Би-Би-Си.
Личните податоци на околу 19.000 Авганистанци што побарале преселување во Велика Британија по преземањето на власта од Талибанците, протекле во февруари 2022 година. Претходната влада разбрала за протекувањето во август 2023 година и девет месеци подоцна подготвила план за преселба. Досега во оваа операција во Велика Британија пристигнале 4.500 Авганистанци, а се очекуваат уште околу 60 Авганистанци.
Операцијата и информацијата за протекувањето биле тајни, а бројката на преселени Авганистанци е објавена денеска, откако судија од Врховниот суд пресудил дека треба да се тргне клаузулата за тајност.
Јавноста уште се сеќава на паниката и немоќноста на огромен број Авганистанци да ја напуштат земјата по победата на Талибанците, стравувајќи за своите животи.