Финска во последниот месец прими повеќе од 5.300 апликации во рамките на новата програма за миграција која им нуди можност на технолошките работници и нивните семејства да се преселат во оваа скандинавска земја на 90 дена и по тој престој да одлучат дали сакаат да останат трајно.
“Ние не сме на врвот на списокот на земји за преселување, но неколку пати сме се увериле дека луѓето обично остануваат да живеат во Финска откако ќе ја посетат. Во светот има голема конкуренција, затоа моравме да размислуваме креативно”, рече Јохана Хурер од Бизнис центарот во Хелсинки кои смислиле ваков вид на програма.
Хуре истакна дека 90-дневната програма за миграција предизвикала најголем интерес во САД и Канада и дека околу 30 проценти од барањата се од овие земји.
Другите барања не забележаа таков раст, но беа рамномерно распоредени. Меѓу нив има и 50 Британци и еден жител од јужно-пацифичкиот остров Вануату.
Повеќето од апликантите беа семејни луѓе кои сакаа да работат далечински за своите сегашни работодавци, барем првично, а како што истакна Хуре, повеќе од 800 луѓе сакаа да започнат старт апи, потоа имаше 60 заинтересирани инвеститори додека други апликанти ќе побараат работа по пристигнувањето во Финска.
Финска, која ги донесе Nokia, 5G и Linux во светот, има почетен капитал од шест милијарди евра за најголем број дигитални почетни компании по глава на жител од која било друга земја во светот.
Технолошките мултинационални компании како Гугл, Баер и GE Healthcare неодамна отворија подружници во оваа земја.
Планот за 90-дневна програма за миграција во Финска вклучува обезбедување на целата потребна официјална документација на успешните кандидати, платено сместување, училиште или градинка, како и обезбедување работа на далечина, запознавање со технолошки центри и мрежи во и околу Хелсинки и, се разбира, помагање во постигнување трајни услови за останување.
“Ова е одлична кампања за претставување на Финска. Во сето ова, најдобриот практичен пристап е особено во технолошкиот сектор, кој се повеќе напредува овде. Според најновите проценки, планираме да вработиме 50.000 луѓе следната година. Потребни ни се талентирани луѓе”, рече Јонас Хала од Бизнис Финска.
Тој додаде дека луѓето од САД кои аплицирале за оваа програма најмногу ги привлекуваат не само добрите изгледи за работа, туку и универзалната здравствена заштита, високи бенефиции за родителско отсуство, рамнотежа помеѓу работата и животот, фактот дека оваа област е богата со природа и начин на што владата го реши проблемот со пандемијата. Покрај тоа, Финска е прогласена за најсреќна земја на светот три години по ред, пишува Гардијан.