Илјадници католички верници од САД можеби ќе треба повторно да бидат крстени, откако црквата открила дека свештеник користел погрешни зборови за време на крштевањето цели 26 години.
Свештеникот во Феникс, отец Андрес Аранго, цели 26 години ги користел зборовите „Ве крштеваме во името на Отецот и Синот и Светиот Дух“ за време на обредите на првата католичка тајна, наместо „јас ве крштевам“ , како што предвидува Ватикан.
-Зошто разликата меѓу еднина и множина е толку важна, објасни Томас Џеј Олмстед, бискуп од Феникс.
-Не е заедницата која крштева личност и ја вградува во Црквата Христова, туку Христос, а само Христос ги предводи сите обреди. Значи, Христос е тој што крштева, рече тој.
Грешката на Аранго била откриена во средината на 2021 година, четвртина век откако тој почна да работи како свештеник, изјави во вторникот за АФП портпаролката на бискупијата Кејти Бурк.
Отецот Аранго користел неточна терминологија од почетокот на неговото свештенство, се додека епархијата не му го привлекла вниманието на тоа минатото лето. Немам податоци за точниот број на крстени луѓе меѓу 1995 и 2021 година, но верувам дека има илјадници, рече таа.
Откако грешката излезе на виделина, Аранго ја напушти својата претходна работа „за да се посвети на лекување и помагање на жртвите од оваа грешка“, рече Бурк.
Крштевањето е важен обред за католиците, „бидејќи само оние кои се крстени по смртта можат да одат во рајот“.