Иако скокот помина без повреди, реакцијата на локалното население беше бурна. Очевидци сведочат дека веднаш по излегувањето од водата, туристот бил опкружен од група мештани, кои го пречекаа со навреди и, според неофицијални информации, и со физички напад. Неколку лица дури влегле во реката по него, додека други го пресретнале на брегот.
Целиот инцидент бил сниман со мобилен телефон и видеото за кратко време се прошири на социјалните мрежи, предизвикувајќи лавина реакции.
Turista skočio sa Starog Mosta, Mostarci ga pretukli pic.twitter.com/O8ASgYKAg5
— Doznajemo (@Doznajemo) June 27, 2025
Професионалните скокачи од Стариот мост, кои со години ги изведуваат овие атрактивни, но опасни скокови во контролирани услови, повторно предупредуваат дека аматерските обиди можат да завршат трагично.
Инцидентот го отвори и прашањето за сè почестото неодговорно однесување на туристите. Локалното население сè погласно апелира за почитување на културните норми, безбедносните препораки и традицијата на градот, особено на локации од големо симболично и историско значење како Стариот мост.
Властите во Мостар најавуваат засилени мерки и можни санкции за оние кои се обидуваат да скокаат без одобрение и со тоа ја загрозуваат својата и туѓата безбедност.
Пораката од Мостар е јасна: туризмот е добредојден, но не по секоја цена.