По една година интензивни проблеми во производството на автомобили поради недостаток на микрочипови, повеќето автомобилски компании сега се вратија во нормала, па од лентите излегуваат нови модели кои работат со полн капацитет.
Иронијата е што токму инфлацијата помогна да се нормализира состојбата со микрочиповите.
Имено, истите полупроводници, односно микрочипови кои се неопходни за производство на автомобили, ги користат и бројни производители на потрошувачка електроника.
Поради инфлацијата, се помалку луѓе се одлучуваат да купат нов мобилен телефон, таблет или лаптоп, па затоа се издвојуваат повеќе микрочипови за производство на автомобили.
Да не заборавиме дека во времето на првото затворање поради пандемијата, Sony PlayStation ја запре автомобилската индустрија бидејќи продажбата на оваа конзола скокна неверојатно, но имаше многу поголема побарувачка за лаптопи поради работа од дома. Така, со некои други фактори, значително помалку микрочипови беа издвоени за производителите на автомобили.
Да потсетиме, за производство на еден автомобил во просек се потребни околу 1.400 микрочипови, а недостигот на овие делови ја чинеше автомобилската индустрија лани 210 милијарди долари, а произведени се дури 7,7 милиони возила помалку од потребите на пазарот.
Според извештајот на Bloomberg Intelligence, поради нормализацијата на испораките на полупроводници, во втората половина од оваа година се очекува нешто поголема продажба на возила.