Се чини дека „Intel“ работи на паметни очила со кодот „Superlite“. Според гласините, очилата ќе бидат дел од новата хардверска дивизија и ќе бидат објавени подоцна оваа година.
Во исто време, сепак, Intel сака да го продаде својот мнозински удел во бизнисот и бара купувач за 350 милиони долари. Самите очила се поврзуваат на телефон преку Bluetooth и проектираат слики од минијатурен ласерски проектор.
Ова не е прв пат компанијата да експериментира со додадена реалност. Во јуни 2015 година, „Intel“ го купи производителот на паметни очила „Recon“, но го затвори минатата есен. Некои од вработените во компанијата се чини дека работат на тековниот проект.
Минатата есен, „Intel“ го откажа проектот за развој на референтен дизајн на шлемот за виртуелна реалност „Project Alloy“. За разлика од познатите „Oculus Rift“ или „HTC Vive“, овој шлем се поврзуваше со компјутерот без кабли.