Кремљ денес објави дека предлогот на Илон Маск до рускиот претседател Владимир Путин да се приклучи на апликацијата „Клабхаус“ е интересен, но дека се потребни повеќе детали.
Ова го изјави портпаролот на Кремљ, Дмитриј Песков, откако Маск преку Твитер испрати порака до Кремљ: „Дали сакате да ми се придружите за разговор во „Клабхаус“?
„Прво треба да разјасниме. Знаете дека претседателот Путин не ги користи социјалните мрежи директно, ги нема лично. Затоа, генерално, ова е секако многу интересен предлог, но мора некако да разбереме што се подразбира, што е предложено, така што прво ќе го провериме сето тоа некако, а потоа ќе реагираме“, изјави Песков пред новинарите.
„Клабхаус “ е аудио-чет апликација на социјално вмрежување која прифаќа нови членови само со покана, а беше лансирана во 2020 година.
Апликацијата е лансирана од софтверската компанија „Алфа експлорејшн“.